Inicio arrow Novas sobre o PCI
Novas sobre o PCI
O proxecto Ronsel Imprimir Correo-e
Sunday, 06 de January de 2008

 

O proxecto Ronsel xurde da colaboración entre as Consellarías de Cultura e Deporte, Innovación e Industria e a Axencia Galega de Desenvolvemento Rural (AGADER) da Xunta de Galicia e as Universidades da Coruña, Santiago de Compostela e Vigo. As tres guías fundamentais deste proxecto, a desenvolver en cinco anos, son a realización do inventario, a salvagarda e a posta en valor do Patrimonio Cultural Inmaterial (PCI) de Galicia.

O Proxecto RONSEL pretende a documentación e investigación exhaustiva de todo este patrimonio, ademais da súa promoción, protección, difusión e transmisión. Posto que se pretende abordar estas tarefas de xeito científico para maximizar a súa eficacia, unha primeira etapa do proxecto foi realizar unha valoración inicial do estado do noso Patrimonio Cultural Inmaterial. Esta análise realizouse coa participación de todas as partes implicadas, os/as observadores/as e os/as observados/as, os/as científicos/as e os/as portadores/as da nosa tradición, as institucións e as asociacións civís. Deste xeito, a fase inicial do proxecto Ronsel, pensado para desenvolverse nun período de cinco anos, foi executada entre xuño e novembro de 2007, e consistiu fundamentalmente na elaboración dun Plan Salvagarda e Posta en Valor, é dicir, no deseño dun plan de accións relativas ó patrimonio que permitan cumprir os obxectivos xa indicados. Convocáronse un total de cincuenta especialistas en diferentes ámbitos do PCI, persoas que desde todos os ámbitos da sociedade galega, achegaron as súas ideas e coñecementos para a elaboración dun documento que pode guiar ás institucións públicas no establecemento de medidas que permitan poñer en valor, salvagardar e revitalizar o noso patrimonio inmaterial; un documento que achega as necesidades técnicas e os planos para tender unha ponte entre as administracións, as universidades, as asociacións e as propias comunidades de portadores do coñecemento tradicional.

 

Ler máis...
 
Mostras do PCI Imprimir Correo-e
Sunday, 06 de January de 2008

 

Coa intención de visibilizar o PCI e concienciar á sociedade da necesidade de salvagardalo, o proxecto Ronsel, co-organizou xunto coa Asociación Cultural e Pedagóxica “Ponte...nas Ondas!”, a Asociación de Gaiteiros
Galegos e o Concello de Pontevedra, organizou unha Mostra de Patrimonio Cultural Inmaterial Galego-Portugués na cidade de Pontevedra, co patrocinio das consellarías implicadas no proxecto e do Concello de Pontevedra.

Esta mostra pretendeu reflectir a diversidade patrimonial inmaterial poñendo ao alcance de todos e todas unhas representacións da súa riqueza, amosando como os coñecementos tradicionais se poden adaptar e vivir na sociedade actual, e como poden xerar expresións de alto valor estético, funcional e económico. Estas expresións, á marxe dos procesos globalizadores e uniformizantes, unha vez estudadas, postas en valor, reelaboradas e difundidas, preténdense reactivar para contribuír a un
diálogo eficaz coas demais sociedades modernas, desde as nosas interpretacións particulares e diferenciais.

Ler máis...
 
Queremos colaborar contigo! Imprimir Correo-e
Sunday, 06 de January de 2008

 

Un dos obxectivos principais do proxecto Ronsel é o estudo do noso PCI. Somos conscientes da importancia dos traballos que particulares e asociacións teñen desenvolvido e desenvolven actualmente por todo o territorio documentando, investigando e poñendo en valor este patrimonio. Pensamos que estes traballos merecen ser coñecidos e difundidos. Tamén somos conscientes de que a nosa experiencia en moitos dos ámbitos é limitada e que necesitamos as túas suxestións e axudas para optimizar o traballo sobre o noso patrimonio. Por estas razóns consideramos que paga a pena financiar e axudar na realización e publicación de traballos relacionados co noso sistema de cultura tradicional, así como axudar en calquera necesidade que teñas relacionada coa propia metodoloxía.

 

Por favor, non dubides en contactar con nós para:

Presentarnos os teus proxectos e solicitar financiación para eles.

Difundir as túas iniciativas e traballos a través deste Portal.

Editar as túas investigacións e traballos.

Recibir os teus comentarios e suxestións.

Aprender da túa experiencia.

Solicitar calquera tipo de asesoramento.

Participar nos nosos proxectos.

Participar nos eventos que organizamos.

Incluír a túa asociación na nosa base de datos.

Dar conta de algún portador/a que consideres interesante/urxente documentar.

Solicitar material dos nosos fondos.

Calquera outra necesidade que teñas.

Ler máis...
 
Portal do Patrimonio Cultural Inmaterial de Galicia Imprimir Correo-e
Thursday, 03 de January de 2008


Seguindo as definicións da UNESCO, enténdense por inmateriais os empregos, representacións, expresións, coñecementos e técnicas -xunto cos instrumentos, obxectos, artefactos e espazos asociados a esas prácticas- que as comunidades, os grupos e nalgúns casos os individuos recoñezan como parte integrante do seu patrimonio cultural.

Fronte a un patrimonio ata hai ben pouco monopolizado por unha idea de bens monumentais ou artísticos accesibles mediante intermediarios autorizados, o xiro inmaterial establece que cadaquén participa na construción dese legado e que os seus creadores e intérpretes medran co intercambio e a transmisión.

Así, por unha banda, o Patrimonio Inmaterial (PI) remite ás características especificamente inmateriais do patrimonio, mentres que o Patrimonio Cultural Inmaterial (PCI) remite ao concreto, é dicir ao conxunto de elementos, prácticas, procesos e representacións aos que se aplica o patrimonio inmaterial. Este PCI transmítese de xeración en xeración, sendo recreado constantemente polas comunidades e grupos en función do medio no que se desenvolve, a súa interacción coa natureza e a súa historia, infundíndolles un sentimento de identidade e continuidade e contribuíndo, deste xeito, a promover o respecto da diversidade cultural e da creatividade humana.

Ler máis...
 
<< Inicio < Ant. 1 2 3 4 5 6 7 Seg. > Remate >>

Resultados 55 - 58 de 58
 

RSS externos